Ռուսաստանի նախագահ Վլադիմիր Պուտինը և Գերմանիայի կանցլեր Անգելա Մերկելը օգոստոսի 20-ին բանակցություններ կանցկացնեն Մոսկվայում:
Դա կլինի կորոնավիրուսային համաճարակի սկզբից ի վեր նրանց առաջին դեմ առ դեմ հանդիպումը: Այս մասին հայտնում է ՏԱՍՍ-ը՝ հղում անելով Կրեմլի մամուլի ծառայությանը։
«Նախատեսվում է քննարկել տարբեր ոլորտներում երկկողմ համագործակցության զարգացման վիճակն ու հեռանկարները, ինչպես նաև դիտարկել միջազգային և տարածաշրջանային մի շարք արդի հարցեր», -հայտնել է աղբյուրը: Նշվում է, որ խոսքը վերաբերում է Աֆղանստանին, Ուկրաինային և Բելառուսին։
Դա կլինի Մերկելի՝ կանցլերի պաշտոնում վերջին այցը Մոսկվա։ Գերմանական Süddeutsche Zeitung պարբերականի հաշվարկներով՝ դա Մերկելի 20-րդ այցը կլինի Ռուսաստան՝ որպես Գերմանիայի կառավարության ղեկավար։ Վերջին շաբաթներին Մերկելը «հրաժեշտի» այցեր է իրականացնում․ նա եղել է Մեծ Բրիտանիայում, ԱՄՆ-ում, Բելգիայում։
