ԱՄՆ պաշտպանության նախարարությունում մամուլի ասուլիսի ընթացքում Պենտագոնի խոսնակ Ջոն Քիրբին հայտնել է, որ «Թալիբան» շարժումը չի միջամտել ԱՄՆ տարհանումների ջանքերին, հաղորդում է BBC-ն: Ըստ նրա՝ ամերիկացիներին և խոցելի աֆղաններին տարհանելու ԱՄՆ առաքելությունը կտևի մինչև օգոստոսի 31-ը:
Պենտագոնի հաղորդմամբ՝ Քաբուլի օդանավակայանն անվտանգ է, և ԱՄՆ-ն նախատեսում է յուրաքանչյուր ժամը մեկ՝ մեկ տարհանման թռիչք իրականացնել և օրական Աֆղանստանից դուրս բերել մինչև 9000 ուղևորի: Միևնույն ժամանակ Քիրբին չի հստակեցրել մինչև ամսվա վերջ նախատեսված տարհանումների թիվը:
Պենտագոնի ներկայացուցիչը նաև ասել է, որ կիրակի օրը Դոհայում «Թալիբանի» առաջնորդների և ԱՄՆ կենտրոնական հրամանատարության ղեկավարի միջև հանդիպման ընթացքում «թշնամական շփումներ» չեն եղել: