Ֆրանսիայի հարավ – արեւելքի Վարի դեպարտամենտում մի քանի հազար մարդ են տարահանել տներից եւ քեմպինգներից սաստիկ անտառային հրդեհի պատճառով: Այդ մասին ասված Է դեպարտամենտի պրեֆեկտուրայի հաղորդագրության մեջ, որն օգոստոսի 17-ին զետեղվել Է Twitter-ում:
Հրշեջների տվյալների համաձայն՝ այս պահին այրվել Է ավելի քան 4 հազար հեկտար բուսականություն Գոնֆարոն քաղաքի շրջանում:
Բռնկման օջախը հայտնաբերվել Է օգոստոսի 16-ի երեկոյան A75 ավտոճանապարհի կանգառից ոչ հեռու: Ֆրանսիայի այդ տարածաշրջանում մի քանի օր շարունակ շոգ Է հաստատվել: Ջերմաչափի սյունը մոտեցել Է 40 աստիճանի նշագծին:
«Կրակի արագ տարածման պատճառով հրշեջները քեմպինգներից եւ տներից տարահանել են մի քանի հազար մարդ, այդ թվում Սեն Տրոպեի շրջանում, որտեղ այս պահին մեծ թվով զբոսաշրջիկներ են հանգստանում»,- ընդգծել են հրշեջ-փրկարարական ծառայությունում:
Բոլոր տարահանվածները հասցվել են տեղավորման ժամանակավոր կենտրոններ: Մարմանը ներգրավված են ինն ինքնաթիռ եւ երեք ուղղաթիռ: Տեղում գտնվում են ավելի քան 750 հրշեջներ:
Ավելի վաղ երկրի ներքգործնախարարության ղեկավար Ժերալդ Դարմանենն իր Twitter-ում հայտնել Է, որ հսկողության տակ Է վերցրել Վարում հրշեջ-փրկարարական գործողությունը, հաղորդել Է ՏԱՍՍ-ը:
