Եվրոպայում և ԱՄՆ-ում քաղաքական գործիչները մեկնաբանում են Բելառուսի և Վրաստանի Պետական անվտանգության ծառայությունների միջև համագործակցության համաձայնագրի ակտիվացումը, փոխանցում է newsgeorgia.ge-ն։
Փաստաթուղթը նախատեսում է, որ հատուկ ծառայությունները կփոխանակեն տեղեկատվություն պետական անվտանգության ոլորտում, կհամագործակցեն սահմանադրական կարգին, ինքնիշխանությանն ու տարածքային ամբողջականությանը վերաբերող հարցերում, անդրազգային կազմակերպված հանցավորության, ահաբեկչության, կիբերահաբեկչություն և զենքի անօրինական շրջանառության դեմ պայքարում:
Մինսկի և Թբիլիսիի հատուկ ծառայությունների միջև համագործակցության մասին համաձայնագիրն ուժի մեջ է մտել այն ժամանակ, երբ Վրաստանի հիմնական ռազմավարական գործընկեր ԱՄՆ-ը խստացրել է պատժամիջոցները Բելառուսի կառավարության դեմ:
Լուրը բացասական արձագանք է առաջացրել վրացական հասարակության շրջանում: Իրավապաշտպանները վախենում են Վրաստանում ապաստանած բելառուս քաղաքական փախստականների անվտանգության համար: Մինչդեռ, ընդդիմադիր քաղաքական գործիչները տեղի ունեցածը գնահատում են որպես նահանջ ժողովրդավարությունից: Հայտարարում են, որ «իսկապես վախեցած են» 5 տարի անց պայմանագրի վավերացումից:
Լիտվայի նախկին արտգործնախարար Լինաս Լինկևիչուսը, որը խիստ քննադատության է ենթարկում Լուկաշենկոյին, կարծում է, որ Բելառուսի ՊԱԿ-ի հետ համաձայնագիրը կարող է ստվեր գցել ԵՄ-ին և ՆԱՏՕ-ին Վրաստանի անդամակցության հեռանկարների վրա:
«Իսկապես ամոթ է: Վրաստանի կառավարությունը վերջերս դուրս եկավ ԵՄ միջնորդությամբ կազմված համաձայնագրից. Եթե նրանք չհեռանան դրանից, դա ևս մեկ նշան կլինի, որ նրանց առաջնահերթություններն այլ տեղ են»,- գրել է Վրաստանում ԱՄՆ նախկին դեսպան Յան Քելլին Twitter-ում: