ՀՀ սփյուռքի գործերի գլխավոր հանձնակատարի գրասենյակն ընթացիկ տարում իր առաջ մի շարք առաջնահերթություններ է դրել, որոնցից մեկը Սփյուռքում կրքերի հանդարտեցումն է: Լրագրողների հետ զրույցում այս մասին նշեց ՀՀ սփյուռքի գործերի գլխավոր հանձնակատար Զարեհ Սինանյանը:
«Մեզ համար կարևոր է Լիբանանի հայ համայնքի մոտ ծագած խնդիրների լուծման հարցը: Այս պահին այնտեղ շատ վատ է վիճակը, գրեթե անհուսալի, քանի որ մարդիկ չունեն էլեկտրականություն, ջուր, բազմաթիվ ընտանիքներ չքավոր են դարձել: Մենք պետք է անպայման լուծենք այդ հարցը»,- ընդգծեց Սինանյանը և հավելեց, որ պետք է կազմակերպվի նաև հայրենադարձության գործընթացը: Նրա խոսքով՝ արդեն իսկ քայլեր են ձեռնարկվում այդ ուղղությամբ, քանի որ չի կարելի հայրենակիցներին թողնել նման սարսափելի պայմաններում:
Սինանյանը շեշտեց նաև, որ գրասենյակը նպատակ ունի ողջ ներուժը կենտրոնացնել նաև պետականաշինության վրա:
