News Georgia-ի փոխանցմամբ՝ Վրաստանի արտաքին պարտքը հուլիսի 31-ի դրությամբ կազմել է 4 միլիարդ 206 միլիոն 416 հազար դոլար։ Տարեսկզբի համեմատ՝ այն աճել է 269.5 միլիոնով։ Այս մասին հայտարարել է ֆինանսների նախարարությունը։
Վրաստանն ունի 17 երկկողմանի կրեդիտոր երկիր, որոնց ունեցած նրա ընդհանուր պարտքը կազմել է 622.840.000 դոլար։ Այդ երկրների թվում են Գերմանիան (255.675.000 դոլար), Ռուսաստանը (114.252.000 դոլար), Ճապոնիան (63.438.000 դոլար), ԱՄՆ-ը (35.264.000 դոլար), Ղազախստանը (27.774.000 դոլար), Թուրքիան (26.565.000 դոլար), Քուվեյթը (26.102.000 դոլար), Ֆրանսիան (19.254.000 դոլար), Հայաստանը (16.488.000 դոլար), Ադրբեջանը (13.898.000 դոլար), Իրանը (10.854.000 դոլար), Չինաստանը (4.661.000 դոլար)։
Պետական արժեթղթերը (եվրոբոնդ) կազմում են 564.750.000 դոլար։ Այդ ամենի հետ մեկտեղ, Վրաստանի կրեդիտորներ են հանդիսանում նաև միջազգային ինստիտուտները, որոնց Վրաստանն ընդհանուր առմամբ պարտք է 3 միլիարդ 15 միլիոն 268 հազար դոլար։
Այդ գումարից 1 միլիարդ 229 միլիոն 515 հազարը բաժին է ընկնում Համաշխարհային բանկին, 1 միլիարդ 70 միլիոն 211 հազարը՝ Արժույթի միջազգային հիմնադրամին, 346.086.000-ը՝ Ասիական զարգացման բանկին, 235.138.000-ը՝ Վերականգնման և զարգացման միջազգային բանկին, 61.302.000-ը՝ Վերականգնման և զարգացման եվրոպական բանկին, 48.344.000-ը՝ Եվրոպական ներդրումային բանկին, 24.681.000-ը՝ Գյուղատնտեսության զարգացման միջազգային հիմնադրամին։
Հիշեցնենք, որ 2010 թվականի դեկտեմբերի 31-ի դրությամբ՝ Վրաստանի արտաքին պարտքը կազմել է 3.936. 882.000 դոլար։
