Ասիական ֆոնդային հարթակներում աճուրդները սկսվել են առաջատար ինդեքսների շարժի տարբեր ուղղություններով:
Բացմանը Ճապոնիայի Nikkei 225 ինդեքսը աճել է 0.78%-ով և կազմել է 9052.21 նիշ: Կորեական KOSPI-ն Սեուլում աճել է 1.61%-ով` կազմելով 1846.66 նիշ: Հոնկոնգի բորսայում Hang Seng ինդեքսը ավելացել է 1.84% և կազմել 19955.80 նիշ: Այդ նույն ժամանակահատվածում Շանհայի SSEC ինդեքսը բացմանը կորցրել է 0.06%` 2581.45 նիշ:
Նախօրեին ամերիկյան ֆոնդային ինդեքսները ավարտել են աճուրդները ավելի քան 4% աճով: Օգոստոսի 11-ի աճուրդների արդյունքներով Dow Jones ինդեքսը աճել է 111.63 նիշով (+4.69%) – մինչև 2429.68 նիշ, S&P-ը աճել է 51.86 նիշով (+4.63%)` կազմելով 1179.64 նիշ:
Աճին նպաստել են ԱՄՆ աշխատանքի նախարարության տվյալները. գործազրկության նպաստ ստանալու նախնական հայտերը վերջին շաբաթվա ընթացքում նվազել են 7 հազարով` մինչև 395 հազար: Փորձագետները սպասում էին, որ ցուցանիշը կկազմեր 405 հազար,- հայտնում է РБК-ն:
Ներդրողների տրամադրվածության վրա ազդել է նաև ԳՖՀ կանցլեր Անգելա Մերկելի և Ֆրանսիայի նախագահ Նիկոլա Սարկոզիի հանդիպման մասին նորությունը, որի ընթացքում նախատեսվում է քննարկել ֆինանսական ճգնաժամը:
