Հաիթիի իշխանությունները հաստատել են կառավարության նոր կազմը։ Այն կգլխավորի Արիել Անրին։ Այս մասին հայտնում է տեղի մամուլը։
Նոր կառավարությունը հիմնական շեշտը դնելու է նախագահական ընտրություններին նախապատրաստվելու վրա։ Դրանք տեղի կունենան ընթացիկ տարվա սեպտեմբերի 26-ին։
Պետության ժամանակավոր ղեկավար նշանակելու գաղափարից առայժմ հրաժարվել են։ Գործադիր իշխանությունը մինչև նոր նախագահի ընտրվելը կստանձնի կառավարությունը։
Արիել Անրին վարչապետ է դարձել նախկին նախագահ Ժովենել Մոիզի որոշմամբ: Նա Անրիին նշանակել է պաշտոնում մահվանից երկու օր առաջ։
Հիշեցնենք, որ հուլիսի 7-ին Հայիթիի նախագահին գնդակահարել են։ Նրա կինը լուրջ վնասվածքներ է ստացել, սակայն նախօրեին ԱՄՆ-ում բուժվելուց հետո վերադարձել է հայրենիք։
