«Թալիբան» շարժման գրոհայինները, որոնք հուլիսի 5-ին գրավել էին Աֆղանստանի կառավարական զորքերի սահմանային դիրքը, այսօր դրոշ են բարձրացրել երկու երկրները միացնող Փանջ գետով անցնող կամրջի վրա՝ Տաջիկստանի «Թեմ» անցակետի դիմաց»: Հուլիսի 8-ին այս մասին «ՌԻԱ Նովոստիին» հայտնել է Տաջիկստանի Գոռնո-Բադախշանի ինքնավար շրջանի վարչակազմի աղբյուրը:
Հուլիսի 5-ի գիշերը ավելի քան 300 աֆղան սահմանապահներ անցել էին կամուրջը դեպի Տաջիկստանի տարածք՝ առանց կռվի թողնելով անցակետը «Թալիբանին»:
Հուլիսի 7-ին Տաջիկստանը օգնություն է խնդրել ՀԱՊԿ երկրներից՝ Աֆղանստանում թալիբների հարձակման պատճառով: Երկու երկրների սահմանը բարդ լեռնային տարածք է, և Տաջիկստանի իշխանությունների համար դժվար է միայնակ վերահսկել սահմանը:
Տաջիկստանի նախագահ Էմոմալի Ռահմոնը պաշտպանության նախարարին հանձնարարել է մոբիլիզացնել պահեստային 20.000 զինծառայողի՝ Աֆղանստանի հետ սահմանին իրավիճակը կարգավորելու համար:
