Ուկրաինական նոր կորվետի կառուցումը, որի կորպուսը արդեն տեղադրվել է Թուրքիայում, կավարտվի մինչ 2023 թվականը: Այս մասին կիրակի օրը հայտարարել է Ուկրաինայի նախագահ Վլադիմիր Զելենսկին:
Նախագահը հավելել է, որ շուտով Ուկրաինա են հասնելու թուրքական Bayraktar անօդաչու թռչող սարքերը, որոնք նախատեսված են ռազմածովային ավիացիայի համար: «Ուկրաինական անձնակազմն արդեն վերապատրաստում է անցնում Թուրքիայում», – ասել է Զելենսկին:
Կիրակի օրը Օդեսայի ծովային նավամատույցում տեղի է ունեցել տոնական միջոցառում Ուկրաինայի ռազմածովային ուժերի օրվա առթիվ: Նախագահի շնորհավորական խոսքերից հետո ամերիկյան ինքնաթիռները թռչել են ծովածոցի վրայով:
2019-ին Կիևը ձեռք է բերել և փորձարկել է Bayraktar սարքերը, որոնք նախատեսված են վերազինել թուրքական Roketsan ընկերության բարձր ճշգրտության ավիառումբերը։
