ԱՄՆ-ը հույս ունի, որ ԿԺԴՀ-ն շուտով կպատասխանի երկխոսությունը վերսկսելու՝ Վաշինգտոնի առաջարկությանը: Այդ մասին հայտարարել Է ԿԺԴՀ-ի խնդրով ԱՄՆ-ի հատուկ ներկայացուցիչ Սոն Կիմը՝ հունիսի 21-ին Սեուլում Կորեական թերակզու խաղաղության եւ անվտանգության հարցերով Հարավային Կորեայի կառավարության հատոկ ներկայացուցիչ Նո Գյու Դոկի հետ կայացած հանդիպման ընթացքում:
Վկայակոչելով ԿԺԴՀ-ի ներկայիս առաջնորդ Կիմ Չեն Ունի վերջերս արած հայտարարությանն այն մասին, թե Փհենյանը պետք Է պատրաստ լինի ԱՄՆ-ի հետ ինչպես երկխոսությանն, այնպես Էլ առճակատմանը, Սոն Կիմը նշել Է, որ Վաշինգտոնում պատրաստ են երկու սցենարներին Էլ:
«Մենք պատրաստ կլինենք թե՛ մեկին եւ թե՛ մյուսին, քանի որ մինչեւ հիմա Փհենյանից բանակցությունների շուրջը՝ մեր առաջարկության պատասխանի ենք սպասում: Հուսով ենք, որ նախագահ Կիմ Չեն Ունի կողմից երկխոսության հիշատակումն այն բանի նշանն Է, որ մենք շուտով դրական պատասխան կստանանք»,- ընդգծել Է ամերիկացի դիվանագետը:
Սոն Կիմը հավաստել Է Վաշինգտոնի կողմակցությունը դիվանագիտության միջոցով Կորեական թերակղզու լիակատար միջուկազերծման գործին, ինչպես նաեւ հանդես Է եկել միջկորեական երկխոսության, համագործակցության եւ մերձեցման զարգացման օգտին: Նո Գյու Դոկն, իր հերթին, նշել Է, որ Սեուլը կշարունակի օժանդակել Փհենյանի եւ Վաշինգտոնի միջեւ երկխոսության շուտափույթ վերսկսմանը:
«Մեք ցանկանում ենք վերականգնել այն կառուցվածքը, որտեղ միջկորեական հարաբերությունները եւ ԱՄՆ-ի եւ ԿԺԴՀ-ի հարաբերությունները փոխշահավետ լրացնում են միմյանց»,- ասել Է հարավկորեացի հատուկ ներկայացուցիչը: Սոն Կիմը հնգօրյա այցով Կորեայի Հանրապետություն Է Ժամանել հունիսի 20-ին, հաղորդել Է ՏԱՍՍ-ը: