Նյու Յորքում ՄԱԿ-ի կենտրոնակայանի աշխատակիցները հուլիսի 6-ից կսկսեն աստիճանաբար վերադառնալ աշխատանքի լիովին անմիջական ռեժիմի՝ սանիտարական սահմանափակումների մեղմացմանը զուգահեռ, որոնք ԱՄՆ-ի խոշորագույն մեգապոլսում սահմանվել էին կորոնավիրուսային համավարակի պատճառով: Այդ մասին ասված է համաշխարհային կազմակերպության գլխավոր քարտուղար Անտոնիո Գուտերեշի՝ ՄԱԿ-ի աշխատակիցներին ուղղված նամակում, հայտնում է ТАСС-ը:
Փաստաթղթում արձանագրված է, որ քաղաքում վերջին ամիսներին նոր կորոնավիրուսով վարակման դեպքերի թիվը կրճատվել է:
«2021 թվականի հուլիսի 6-ից, ինչպես ակնկալվում է, ամբողջ անձնակազմը, որը 2020 թվականի մարտից շաբաթական հինգ օր աշխատել է հեռավար ռեժիմով, աստիճանաբար կվերադառնա աշտատատեղեր»,- պարզաբանել է գլխավոր քարտուղարը: Ինչպես հավաստիացրել է Գուտերեշը, «դա չի նշանակում հուլիսին զանգվածային վերադարձ գրասենյակներ»: Նա պարզաբանել է, որ սկզբում համաշխարհային կազմակերպության աշխատակիցները պետք է աշխատավայրում գտնվեն «շաբաթական մեկ օր կամ ավելի»: Փաստաթղթում հստակեցվում է, որ նախատեսված են տարբեր բացառություններ:
Գուտերեշը նաև վստահություն է հայտնել, որ ապագայում «հեռավար ռեժիմով աշխատանքի շատ առավելություններ» հաշվի կառնվեն համաշխարհային կազմակերպության անձնակազմի համար կարգացուցակներ կազմելիս: