«Ռուսաստանի իշխանությունները ոչ մեկին չեն ստիպի պատվաստվել կորոնավիրուսի դեմ»․ Պուտին

Ռուսաստանի իշխանությունները ոչ ոքի չեն ստիպի պատվաստվել կորոնավիրուսի դեմ, բայց պատվաստումների կարևորության վերաբերյալ իրազեկվածությունը դեռ բավարար չէ: Այս մասին ուրբաթ օրը հայտարարել է ՌԴ նախագահ Վլադիմիր Պուտինը Սանկտ Պետերբուրգի միջազգային տնտեսական ֆորումի լիագումար նիստում:

«Մենք այժմ պատրաստ ենք պատվաստանյութը տրամադրել բոլոր ցանկացողներին: Մենք ոչ ոքի չենք ստիպի»,- ասել է Պուտինը` ավելացնելով, որ հնարավոր է և անհրաժեշտ է խթանել պատվաստումների գործընթացը:

Երկրի ղեկավարը շեշտել է, որ առաջին հերթին անհրաժեշտ է աշխատել իր վրա:

«Ես նկատի ունեմ իշխանություններին և վարչակազմին»,- ասել է նա:

Խոսելով այն մասին, թե ինչու ռուսները չեն շտապում պատվաստվել կորոնավիրուսի դեմ, Պուտինը նշել է, որ դրա համար շատ պատճառներ կան:

«Մեր երկրում ոչ բոլորն են պատվաստվում գրիպի դեմ. սա քաղաքացիների ընդհանուր վերաբերմունքն է»,- մեկնաբանել է նախագահը:

Միևնույն ժամանակ, պետության ղեկավարն ընդգծել է, որ մի շարք երկրներում իշխանությունները տարբեր եղանակներ են օգտագործում քաղաքացիներին պատվաստման կետեր հրավիրելու համար:

«Շատ երկրներում պատվաստվածներին արդեն գարեջուր են հյուրասիրում, նրանք այլ եղանակներ են մտածում: Բայց կարելի գործել ավելի քաղաքակիրթ միջոցներով»,- ասել է Պուտինը: