«Հյուսիս-հարավ» ճանապարհային միջանցքի ներդրումային ծրագրի շնորհանդեսի շրջանակներում այն հարցին, թե արդյոք հողերի օտարման հետ կապված բնակչության հետ խոսակցություններ տարվել են, և արդյոք դժգոհություններ չեն եղել, ՀՀ Տրանսպորտի և կապի նախարար Մանուկ Վարդանյանը պատասխանեց.
«Զրույցներ եղել են, և բոլոր համայնքներում պետք է իրականացվի ծրագրի շնորհանդեսը, որպեսզի բնակչությանը տեղեկացվի հողամասերի համար փոխհատուցման կարգը, կձգտենք, որ օրինական դաշտում խախտումներ չլինեն»:
«Առաջին լրատվականի» հարցին, թե ծրագրի իրականացումը համապատասխանո՞ւմ է բնապահպանական նորմերին, նախարարը պատասխանել է. «Ծրագիրը իրականացվում է ֆրանսիական ընկերության կողմից, Ասիական բանկը ևս բավականին խիստ պահանջներ է ներկայացնում բնապահպանական և սոցիալական խնդիրներին: Բացի այն մեծ ուշադրություն է դարձվում նաև հնեաբանական խնդիրներին, քանի որ այն ճանապարհին, որ մենք ենք ներկայացրել, կան մի շարք կոթողներ, ուստի լուծումը կտրվի միայն հնեաբանների համապատասխան եզրակացության հիմա վրա»:
