Ինդոնեզիայի կառավարությունը քննարկում Է յոթ երկրների հետ, ներառյալ Ռուսաստանը, տուրիստական միջանցքների բացումը: Այդ մասին հաղորդել Է Jakarta Post-ը:
Այդ հարցը բարձրացրել են Բելգիայի, Ֆրանսիայի, Ռուսաստանի, Սինգապուրի, Մեծ Բրիտանիայի, Նիդեռլանդների եւ Վիետնամի դեսպանների հետ տեղի ունեցած փակ խորհրդակցության ժամանակ:
Այդ մասին հունիսի 2-ին հայտարարել Է Ինդոնեզիայի զբոսաշրջության եւ կրեատիվ Էկոնոմիկայի նախարար Սանդիագա Սալահուդդին Ունոն, որի խոսքը մեջբերում Է հրատարակությունը:
Տուրիստական միջանցքը երկու կամ ավելի երկրների միջեւ պայմանավորվածություն Է COVID-19-ի համավարակի ժամանակաշրջանում հանգստացողների փոխանակման շուրջ, որի դեպքում այդ պետություններից ճանապարհորդները կարող են մուտք գործել դյուրացված սխեմայով՝ չենթարկվելով այլ այցելուների համար պարտադիր սահմանափակումներին: «Ելնելով այն բանից, որ COVID-19-ի հետ կապված իրադրությունը դառնում Է ավելի կառավարելի, մենք հույս ունենք, որ տուրիստական միջանցքները կարելի կլինի կիրառել արդեն բավականին կարճ ժամանակամիջոց անց»,-ասել Է նախարարը
: Տուրիստական միջանցքները նախատեսում են, որ երկիր մուտք գործող զբոսաշրջիկներն առողջ են, կկատարեն համաճարակաբանական անվտանգության բոլոր արձանագրությունները», սոցցանցում գրել Է Ինդոնեզիայի զբոսաշրջության նախարարության ղեկավարը:
Պաշտոնական վերջին տվյալների համաձայն, համավարակի ամբողջ ժամանակաշրջանում Ինդոնեզիայում կորոնավիրուսային ինֆեկցիայով հիվանդացել Է մոտավորապես 1,8 միլիոն բնակիչ, ապաքինվել Է գրեթե 1,7 միլիոնը, մահացել Է 50,7 հազար մարդ, հաղորդել Է ՌԻԱ Նովոստին:
