Standard & Poor’s համաշխարհային վարկանշային գործակալությունը, որը իջեցնելով ԱՄՆ-ի վարկանիշը` խուճապ առաջացրեց ֆոնդային շուկաներում, դժգոհ է ԱՄՆ իշխանությունների առաջարկից, որ այսուհետ բացահայտվեն սխալները վարկանիշ հաշվելու ընթացքում, հայտնում է Reuters-ը:
Իր կարծիքը գործակալությունը հայտնել է 84 էջանոց նամակով, որը ուղղվել է արժեթղթերի և բորսաների SEC հանձնաժողով: Ինչպես տեղեկացնում է գործակալությունը, հաղորդագրությունը պատրաստվել և ուղարկվել է օգոստոսի 5-ից 3 օր հետո, երբ Standard & Poor’s-ը իջեցրել է ԱՄՆ վարկանիշը:
Այդ ժամանակ ԱՄՆ ֆինանսների նախարարությունում գործակալությանը մեղադրեցին պետական պարտքի սխալ հաշվարկման մեջ:
Վարկանիշի հանձնաժողովի նախագահ Դևիդ Բիրսը շեշտել է, որ S&P-ը չէր կարող չիջեցնել ԱՄՆ անկախ վարկային վարկանիշը: «Մենք մեր պարտականություններին լուրջ ենք վերաբերում, և եթե վերլուծության արդյունքում հանձնաժողովը եկել է այն եզրակացության, որ վարկանիշը գտնվում է ոչ այն մակարդակում, որտեղ պետք է, մենք չենք կարող համապատասխան որոշումներ չկայացնել»,- հայտարարել է բիրսը:
