Ճապոնիայում 5 ամիս առաջ տեղի ունեցած ուժեղ երկրաշարժի և դրան հաջորդած ցունամիի հետևանքով Անտարկտիդայից սառցաբեկորներ են անջատվել: Օվկիանոսի մեծ ալիքները բախվել են Անտարկդիտայի սառույցներին և պոկել մեծ չափերի սառույցներ: Այդ մասին հայտնի դարձավ այն բանից հետո, երբ NASA-ն ստացավ իր արբանյակի կատարած նկարները: Ըստ մասնագետների՝ հսկա ալիքները, որոնց բարձրությունը հասնում էր 30 մետրի, անցնելով 13 հազար կիլոմետր, բախվել են Անտարկտիդայի սառույցներին և նրանցից պոկել հսկայական չափերի սառցաբեկորներ: Այս մասին տեղեկացնում է http://anspress.com-ը:
Հիշեցնենք, որ 2011 թ. մարտի 11-ին Ճապոնիայում տեղի ունեցավ երկրաշարժ, որին հաջորդեց ցունամին: Արդյունքում զոհվեց 15.6 հազար մարդ, 5 հազարը մինչ օրս անհետ կորած են համարվում: Երկրաշարժի արդյունքում վթարվեց նաև «Ֆուկուսիմա-1» ատոմակայանը:
