Սպիտակ տան խոսնակ Ջեն Փսակին ասել է, որ ԱՄՆ իշխանությունները լուրջ են վերաբերվում չճանաչված թռչող օբյեկտների (ՉԹՕ)՝ իրենց օդային տարածք ներխուժելու մասին հաղորդագրություններին: Նրա խոսքերը մեջբերել է ТАСС- ը:
«Մենք շատ լուրջ ենք վերաբերվում մեր օդային տարածք ցանկացած՝ ճանաչված, թե չճանաչված թռչող սարքերի ներխուժումների մասին հաղորդագրություններին: Մենք ուսումնասիրում ենք դրանցից յուրաքանչյուրը», – ասել է նա:
Սպիտակ տան խոսնակին հարցրել են, թե արդյո՞ք ԱՄՆ իշխանությունները պատրաստ են հրապարակել ենթադրյալ ՉԹՕ-ների վերաբերյալ ամբողջական զեկույցը, որը պատրաստում է ԱՄՆ ազգային հետախուզության տնօրենի գրասենյակը Պենտագոնի հետ համատեղ:
Պսակին պատասխանել է, որ ԱՄՆ նախագահ Ջո Բայդենը սատարում է այս զեկույցի պատրաստմանը, որը պետք է արտացոլի այն ամենը, ինչ ամերիկյան իշխանությունները գիտեն ՉԹՕ-ների մասին։ Նաև նշել է, որ ԱՄՆ իշխանությունը մի շարք պատճառներով հրապարակավ չի քննարկում ենթադրյալ ՉԹՕ-ների կողմից սպառնացող վտանգը:
