Թերթը գրում է, որ արդեն 1 ամիս է՝ Վրաստան մեկնելու համար հայ վարորդները անցակետերում վճարում են 9500 դրամ, որից 3500-ը՝ մաքսային ձևակերպումների համար, 1000 դրամը՝ փաստաթղթերի տրամադրման, 5000-ն էլ՝ փոխադրամիջոցների մաքսային հսկողության համար։
«Օրենքով գանձվող մաքսավճարը գործում էր նաև նախկինում, սակայն որոշ ժամանակով այն կասեցվել էր: Ու հաշվի առնելով ամռան այս ամիսներին Հայաստանից Վրաստան մեկնողների մեծ հոսքը, պետբյուջեն լցնելու անհրաժեշտություն առաջացավ»,- գրում է «Առավոտ»-ը և հավելում.
«Այս կարծիքին է հարկատուների իրավունքների պաշտպանության հ/կ նախագահ Արտակ Խաչատրյանը. «Պետբյուջեն չգիտեն էլ ոնց լցնեն։ Մաքսավճարներ են սահմանում օդի, ճանապարհի, փոշու… ամեն ինչի համար։ Աբսուրդ է, որ փաստաթղթերի տրամադրման համար պետք է վճարես կամ էլ մաքսային ձևակերպումների, որոնք ըստ էության, ձևական բնույթ են կրում»։
