Սիդնեյի արվարձանի բնակիչ Բրյուս Ռոբերտսը սպանել Է կողոպտիչին եւ նրա մարմինը թաքցրել իր տանը. զմռսված աճյունը գտել են միայն 15 տարի անց: Այդ մասին հաղորդել Է ABC հեռուստաալիքը՝ վկայակոչելով քննիչի եզրակացությունները:
Մանր հանցագործ Շեյն Սնելմենի մարմինը հայտնաբերվել Է միայն 2017 թվականին՝ Բրյուս Ռոբերտսի մահվանից հետո: Վթարային ծառայության աշխատակիցները տան տիրոջը մեռած հայտնաբերել են այն բանից հետո, երբ իրենց կանչել են հարեւանները, որոնք անհանգստացել Էին Ռոբերտսի տան առջեւ դիզված նամակներից:
Դատավորը եկել Է այն եզրակացության, որ տղամարդը մահացել Է բնական պատճառներից: Մեկ տարի անց տուն կանչված մաքրող բանվորները գտել են Սնելմենի դիակը, ինչպես նաեւ առնվազն 19 միավոր հրաձգային զենք: Քորոներյան հետաքննության ընթացքում պարզվել Է, որ Ռոբերտսը Սնելմենին գնդակահարել Է 2002 թվականին, երբ վերջինս փորձել Է թափանցել տուն:
Ռոբերտսը գրեթե դուրս չԷր գալիս տնից եւ 15 տարի Սնելմենի դիակը թաքցրել Է ննջարանում: Ազգականները Ռոբերտսին բնութագրել են որպես ինքնամփոփ, անմարդամոտ մարդ, որը չի կարողանում մարդկանց հետ շփվել եւ տառապում Է կուտակչության սինդրոմով: Փաստաբանի օգնական Թինա Քսանթոսի խոսքով՝ Սնելմենի դիակի շուրջ գտել են օդափոխիչի ավելի քան 70 սրվակ, ինչը խոսում Է այն մասին, որ Ռոբերտսը գիտակցաբար փորձել Է քողարկել քայքայվող աճյունի հոտը, հաղորդել Է ՌԻԱ Նովոստին:
