Վրաստանի նախագահ Սաակաշվիլին պատասխանել է Ռուսաստանի նախագահ Մեդվեդևի հարցազրույցին: «Մի քանի օր առաջ ես տեսա հեռուստացույցով , թե ինչպես մեր երկրից մի հարյուր անգամ մեծ երկրի նախագահը, որն իրականում այլ մարդու ստվերում է գտնվում, նվիրեց ինձ իր 55 րոպեանոց հարցազրույցի 39 րոպեն: Մի՞թե ղեկավարը, թեկուզև սահմանափակ իշխանությամբ, էլ անելիք չունի բացի Վրաստանի նախագահի մասին մտածելը»,- ասել է Սաակաշվիլին երիտասարդական ճամբարում ելույթի ժամանակ:
«Եթե նա խոսում է 40 րոպե, նշանակում է, դրանից առաջ 40 օր և 40 ամիս դրա մասին մտածել է: Դա նորմալ իրավիճակ չէ:»,- հավելել է նա:
Հիշեցնենք, որ Մեդվեդևը իր հարցազրույցում ներկայացրել էր ռուս-վրացական հակամարտության մասին ռուսական կողմի կարծիքը:
