Հնդկաստանում կորոնավիրուսից օրական մահացել է ավելի քան 4,5 հազար մարդ:
Անցած օրվա ընթացքում Հնդկաստանում հայտնաբերվել է կորոնավիրուսային վարակի 267 334 դեպք, մահացել է 4529 մարդ: Այս ամսվա ընթացքում իններորդ անգամ 24 ժամվա ընթացքում մահվան դեպքերը գերազանցել են 4 հազար մարդը: Այս մասին այսօր՝ մայիսի 19-ին, հայտարարել է երկրի առողջապահության նախարարությունը:
Նշվում է, որ երկրում համաճարակի ընթացքում վարակվածների ընդհանուր թիվը հասել է 25 496 330-ի, իսկ մահացությունների թիվը՝ 283 248-ի:
Արձանագրված մահացությունների ամենօրյա ցատկը Հնդկաստանի համար դարձել է երկրորդ անընդմեջ հակառեկորդը. նախորդ օրը հայտնաբերվել էր վարակի բարդություններից 4329 մահ:
Միևնույն ժամանակ, վերջերս վարակվածների օրական թիվը փոքր-ինչ նվազել է։
