Գիշերը Գազայի հատվածից իսրայելական տարածքի ուղղությամբ արձակվել է ավելի քան 200 հրթիռ։ Այս մասին հայտարարել է Իսրայելի պաշտպանության բանակի մամուլի ծառայությունը։
«Արձակված հրթիռներից մոտ 30-ն ընկել են Գազայի հատվածում։ Հակաօդային պաշտպանության համակարգը որսացել է ավելի քան 100 հրթիռ»,-ասվում է հաղորդագրության մեջ։
Իսրայելի վարչապետի պաշտոնական ներկայացուցիչ Օֆիր Գենդելմանը գրել է Թվիթերում, որ գիշերվա ընթացքում իսրայելական ավիացիան ոչնչացրել է հրթիռային կայանքը, որի օգնությամբ ՀԱՄԱՍ խմբավորումը հարվածել է Երուսաղեմին հեռահար հրթիռներով։
