Նախկին Արաբական Պետությունների Լիգայի ղեկավար և Մուբարաքի վարչակարգի արտգործնախարար Ամր Մուսան հայտարարել է Եգիպտոսի նախագահի պաշտոնի համար պայքարելու իր մտադրության մասին. հաղորդում է Reuters-ը:
«Հարցը հին կամ նոր գվարդիան չէ: Հարցը այն է՝ արդյո՞ք դու այն կոռումպացված մարդկանցից էիր, ովքեր մեծ վնաս են հասցրել երկրին, թե՞ նրանցից, ոքեր աշխատում են և իրենց հնարավորությունների ամենաբարձր մակարդակով իրականացնում իրենց պարտականությունները»,- ասել է Մուսան հարցազրույցում և շարունակել. «Ես հավատում եմ, որ շատ բան կարող եմ անել երկրի համար»:
Ամր Մուսան արդեն 74 տարեկան է և այս պահին հայտնի 10 թեկնածուներից ամենատարեցն է:
