Մենք շատ լուրջ պետք է վերաբերվենք այս իրավիճակին, որովհետև գործ ունենք ճգնաժամի հետ, որը հետագա զարգացման մի քանի սցենարներ կարող է ունենալ։ Կառավարության նիստի ժամանակ ասաց ՀՀ վարչապետի պաշտոնակատար Նիկոլ Փաշինյանը։
«Հայաստանի ինքնիշխան տարածքը պետք է մնա և լինի անձեռնմխելի։ Մեր խնդիրն է, որ Ադրբեջանի զինված ուժերը ետ քաշվեն այն դիրքեր, որտեղից սկսել են առաջխաղացումը։ Հիմա տեղում ընթանում է աշխատանք։ Այսօր կառավարության նիստից հետո կունենանք Անվտանգության խորհրդի նիստ, ավելի մանրամասն կքննարկենք իրադրությունը, երեկվանից տեղի ունեցած զարգացումները և կկայացվեն անհրաժեշտ որոշումներ իրադրության հետագա կառավարումն ապահովելու վերաբերյալ։ Մենք ունենք մի իրավիճակ, որին լուրջ պետք է վերաբերվել»,-ասաց վարչապետի պաշտոնակատարը։
