Քրդական հարցի շուրջ ընթանում բարդ խաղ, որի արդյունքում Թուրքիան կարող է «անակնկալ կերպով պառակտվել»։ Այս մասին լրագրողների հետ հանդիպմանն ասաց քաղաքագետ Սերգեյ Շաքարյանցը՝ ընդգծելով, որ «մենք պատրաստ չենք այդ զարգացմանը»:
Թուրքիայի պառակտման դեպքում, ըստ քաղաքագետի, կարող է առաջանալ Մեծ Քրդստանը, որի առաջացմանը մենք՝ հայերս, չենք կարող միջամտել:
«Դա արդեն սպառնալիք է մեզ համար, քանի որ քրդաբնակ շրջանների մեծ մասում ապրում են մահմեդականացած, քրդացած հայեր»,- ասաց նա՝ ընդգծելով, որ Մեծ Քրդստանի առաջացման դեպքում ծպտյալ հայերը չեն համարձակվի բարձրաձայնել իրենց ազգային պատկանելության մասին:
Նրա խոսքով՝ «Ցեղասպանություն ապրած տարածքներում» մարդիկ վախեցած են, ինչն ավելի շատ հոգեբանական արմատներ ունի: «Իզուր չէ, որ ասվում է՝ զազա քրդերը հայեր են»,- ասաց նա՝ ընդգծելով, որ միայն Թուրքիայից հեռանալուց հետո են ծպտյալ հայերը բարձրաձայնում իրենց ազգային պատկանելության մասին:
