Թուրքական Zaman թերթի փոխանցմամբ՝ Թուրքիայի արտգործնախարար Ահմեդ Դավութօղլուն ժամանել է Սիրիա։ Դավութօղլուին Դամասկոսի օդանավակայանում դիմավորել է Սիրիայի փոխարտգործնախարար Աբդուլֆերահ Ամուրն ու Սիրիայում Թուրքիայի դեսպան Օմեր Օնհանը։
Ապա մեկնարկել է Դավութօղլուի ու Սիրիայի նախագահ Բաշար Ալ-Ասադի հանդիպումը, որին ներկա է նաև Սիրիայի արտգործնախարար Վալիդ Մուալլիմը։
Դավութօղլուն Ասադին է հանձնել Թուրքիայի վարչապետ Էրդողանի ուղերձը։ Ներկայումս հանդիպումը շարունակվում է։
Հիշեցնենք, որ այսօր թուրքական նույն աղբյուրը գրել էր, որ այսօր բոլորի ուշադրությունը բևեռված է Թուրքիայի արտգործնախար Ահմեդ Դավութօղլուի սիրիական ճգնաժամային այցի վրա, որը տեղի է ունենում Սիրիայում քաղաքացիների սպանությունների շարունակման ֆոնի վրա.
«Դավութօղլուի այդ այցը կարող է նոր ժամանակաշրջան բացել թուրք-սիրիական հարաբերություններում։ Դավութօղլուն Սիրիայում հայտարարելու է, որ թուրք-սիրիական հարաբերություններն այլևս չեն կարող այսպես շարունակվել, եթե սիրիական իշխանությունները վերջ չդնեն զանգվածային սպանություններին»։
