ԿԺԴՀ-ի նկատմամբ ԱՄՆ-ի քաղաքականությունը թշնամական չԷ, այն ուղղված Է Կորեական թերակղզու միջուկազերծման խնդրի լուծմանը: Այդ մասին հայտարարել Է ազգային անվտանգության հարցերով ԱՄՆ-ի նախագահի խորհրդական Ջեյք Սալիվանը:
«Հյուսիսային Կորեայի նկատմամբ մեր քաղաքականությունը թշնամական բնույթ չի կրում: Այն նպատակաուղղված Է` վերջին հաշվով հասնելու Կորեական թերակղզու լիակատար միջուկազերծմանը»,-ասել Է Սալիվանին ABC հեռուստաալիքին տված հարցազրույցում: Նա նշել Է, որ Միացյալ Նահանգները պատրաստ Է փոխգործակցել Հյուսիսային Կորեայի հետ՝ միջուկազերծման բնագավառում գործնական քայլերը քննարկելու համար, բայց, նրա խոսքով, «հարկ Է աշխատել գործնական միջոցներով, որոնք կարող են օգնել՝ առաջընթացի հասնել դեպի այդ նպատակը տանող ճանապարհին»: Ապրիլի 30-ին Սպիտակ տան մամուլի քարտուղար Ջեն Փսաքին հայտարարել Է, որ Ջո Բայդենը եւ նրա թիմը Փհենյանի հարցում չեն ընթանա ԱՄՆ-ի նախկին վարչակազմերի քաղաքականության հունով, որն իրական արդյունքների չի հանգեցրել միջուկազերծման բնագավառում:
ԿԺԴՀ-ի նկատմամբ Վաշինգտոնի նոր քաղաքականությունը «ուղղված չի լինելու մեծ գործարքի ձեռքբերմանը», այն «պահանջում Է կշռադատված, գործնական մոտեցում», հաղորդել Է «Ինտերֆաքս»-ը:
