Մուսուլմանների մոտ սկսվել է Ռամադանը, ինչը ենթադրում է ծոմ՝ արևածագից մինչև մայրամուտ, իսկ Դուբայի երկնաքերերի վերին հարկի բնակիչների համար արևը մայր է մտնում ավելի ուշ, ինչը նշանակում է, որ նրանց ծոմն ավելի երկար է տևում: Այս մասին հայտնում է BBC-ն՝ մեջբերելով տեղի մուսուլման աստվածաբանների մեկնաբանությունները:
Դուբայի հայտնի աստվածաբան Ահմեդ Աբդ ալ-Ազիզ Հադդադը նշել է, որ Բուրջ Խալիֆա անունը կրող երկնաքերի վերին հարկերում ապրող մարդիկ երկու րոպե ավելի երկար պետք է ծոմ պահեն:
Իսկ մեկ այլ աստվածաբան հաշվարկել է, որ 80-150 հարկերի բնակիչները ծոմը պետք է պահեն 2, իսկ ավելի բարձր հարկերում բնակվողները՝ 3 րոպե ավելի: