Փարիզի հիվանդանոցներից մեկում, 59 տարեկանում, մահացել է նորաձևության հայտնի դիզայներ Ալբերտ Էլբազը։Նա մեծ ճանաչում էր ձեռք բերել Lanvin և Yves Saint Laurent նորաձևության տներում իր գործունեությամբ։
Մահվան լուրը հաստատել դիզայների գործընկերը, որի հետ ստեղծել էին AZ Factory ապրանքանիշը։Մահվան պատճառների մասին առայժ ոչինչ չի հաղորդվում։
«Ալբերտն արժանի հեղինակություն էր,նորաձեւության ոլորտում ամենավառ և սիրված դեմքերից մեկն էր: Նա բացառիկ տաղանդի և մարդկային ջերմության տեր մարդ էր»,-նշել են դիզայների գործընկերները:
Նրա գործընկերոջ խոսքերով՝ Էլբազը նորաձեւությունում ունեցած իր հատուկ հայացքների շնորհիվ ստեղծում էր հագուստ, որում «կանայք իրենց գեղեցիկ ու հարմարավետ էին զգում»:
Էլբազը ծնվել է Մարոկկոյում, մեծացել է Իսրայելում: 1900-ականների սկզբին աշխատել է Yves Saint Laurent նորաձեւության տանը, 2001 թ.-ին դարձել է Lanvin ընկերության ստեղծագործական տնօրենը:
Էլբազը սիրված էր հոլիվուդյան շատ աստղերի շրջանում։ Նրա մոդելավորած զգեստները կրում էին Մերիլ Սթրիփը, Նիկոլ Քիդմանը, Ումա Թուրմանը, Դեմի Մուրը և այլք: