Ֆլորիդայում այսօր՝ ապրիլի 23-ին, SpaceX Crew 2 տիեզերագնացներով առաքելությունը կթռչի NASA-ի հարթակից Միջազգային տիեզերակայան: Հեռարձակումը վարում է NASA-ն YouTube-ի իր ալիքում:
Falcon 9 կրիչ-հրթիռը և Crew Dragon տիեզերանավն առաջին անգամ վերօգտագործվում են տիեզերագնացներին ISS հասցնելու համար:
Առաքելության մեկնարկը նշանակված է տեղական ժամանակով 05:49-ին: Սկզբնական շրջանում մեկնարկը նախատեսված էր ապրիլի 22-ին, սակայն այն հետաձգվել է եղանակային անբարենպաստ պայմանների պատճառով:
Crew Dragon-ի միակցումը միջազգային տիեզերակայանին նախատեսված է հաջորդ օրը:
