Լիտվան վտարում է հանրապետությունում Ռուսաստանի դեսպանատան երկու աշխատակիցների՝ ի նշան Չեխիայի հետ համերաշխության: Այս մասին հաղորդվում է Լիտվայի ԱԳՆ կայքում: Նշվում է, որ ուրբաթ՝ ապրիլի 23-ին, Ռուսաստանի դեսպանատան ներկայացուցիչը կանչվել է Լիտվայի ԱԳՆ, որտեղ նրան ներկայացվել է բողոքի նոտա:
«Լիտվան այս որոշումը կայացրեց Չեխիայում տեղի ունեցած աննախադեպ իրադարձություններից հետո` ի նշան համերաշխության մեր դաշնակցի, որը ենթարկվեց աննախադեպ վտանգավոր հարձակման…»,- ասվում է հաղորդագրության մեջ:
Համապատասխան որոշումը Վիլնյուսը կայացրել է՝ համաձայնեցնելով Լատվիայի և Էստոնիայի հետ:
