Հայաստանի Հանրապետության նախագահ Արմեն Սարգսյանը պաշտոնական այցով Վրաստանում էր։ Նախագահ Արմեն Սարգսյանն ասաց, որ Հայաստանը վերջապես ոչ թե պետք է հայտնվի փակուղու մեջ, այլ Հայաստանը պետք է դառնա խաչմերուկ։ Ինչպիսի՞ն են հայ-վրացական հարաբերությունների զարգացման հեռանկարները․ «Առաջին լրատվական»-ի հարցին Վրաստանում բնակվող քաղաքական վերլուծաբան Եգոր Կուրոպտևը պատասխանեց․ «Դա լավ է, որ նախագահ Սարգսյանը եկել էր Վրաստան։ Պատերազմից հետո այն այսպիսի բարձր մակարդակի առաջին այցն էր և, իհարկե, քննարկման ենթակա շատ հարցեր կային։ Ես կարծում եմ, որ շատ ավելի լավ կլիներ, եթե ստեղծվեին աշխատանքային խմբեր հետագա համագործակցության հետ կապված հարցերի քննարկման համար, որովհետև վերջին տարիներին նմանատիպ այցերից հետո միայն լսում ենք, որ պետք է համագործակցել, պետք է ամրապնդել հայ-վրացական հարաբերությունները, բայց իրականում, հայտարարություններից բացի, հայ-վրացական հարաբերություններում ոչինչ չի արվում։
Այդ ամենը հիմա չի որ տեղի է ունենում։ Դա տեղի է ունենում շատ վաղուց, որն ունի իր պատճառները։ Վրաստանը պաշտոնապես և ոչ պաշտոնապես ձգտում է անդամակցել Եվրամիությանն ու ՆԱՏՕ-ին, իսկ Հայաստանը վաղուց հանդիսանում է ՀԱՊԿ անդամ, ԵԱՏՄ անդամ։ Հայաստանի հիմնական դաշնակիցը Ռուսաստանն է, իսկ Վրաստանում Ռուսաստանն այն ուժն է, որն օկուպացրել է նրա տարածքի 20 տոկոսից ավելին։ Դրա համար, հաշվի առնելով այս բոլոր նրբությունները, ստրատեգիական գործընկերության մասին հայտարարությունները, միշտ միայն մնում են որպես հայտարարություններ, և գործնական ոչ մի քայլ չի արվում»։
Մանրամասները՝ տեսանյութում։
