ԱՄՆ նախկին պետքարտուղար Մայք Պոմպեոն խախտել է էթիկայի դաշնային կանոնները այն ռեսուրսների օգտագործման վերաբերյալ, որոնց վրա ծախսվում են հարկ վճարողների միջոցները: Այս մասին հայտնում է Politico-ն՝ վկայակոչելով ԱՄՆ պետքարտուղարության գլխավոր տեսուչի գրասենյակի զեկույցը:
Նշվում է, որ Պոմպեոն և նրա կինը Պետդեպարտամենտի աշխատակիցներին խնդրել են կատարել անձնական բնույթի հանձնարարություններ. սեղան պատվիրել մասնավոր ընթրիքների համար, զբոսանքի տանել շանը, գրանցվել գեղեցկության սրահում: Միևնույն ժամանակ, աշխատողները չեն ստացել առանձին վարձատրություն այդ հանձնարարությունների դիմաց: Ընդհանուր առմամբ, հայտնաբերվել է ավելի քան 100 նման դեպք:
Ինքը՝ Պոմպեոն, հայտարարել է, որ նման բնույթի խնդրանքները քիչ են եղել: