Ուկրաինացի զինվորականները մասնակցում են Ղրիմի սահմանի երկայնքով անցկացվող զորավարժություններին, ներգրավված են հրետանային և տանկային պահեստային զորքերը, հաղորդվում է Ուկրաինայի զինված ուժերի Միացյալ ուժերի հրամանատարության Facebook-ի էջում:
«Վարժանքների լեգենդի համաձայն, տանկային ստորաբաժանումը՝ հետևակի աջակցությամբ, փորձում է ճեղքել մեր պաշտպանական գիծը»,- ասվում է հաղորդագրության մեջ:
Նշվում է, որ «տանկերի անձնակազմերը բաց տեղանքում մանևրելու, դիրքերը փոխելու, ծխի վարագույր տեղադրելու և քողարկման տարրեր են մշակել, անցել են սահմանը և ոչնչացրել հակառակորդին»:
Ավելի վաղ ՌԴ ԱԳՆ պաշտոնական ներկայացուցիչ Մարիա Զախարովան հայտարարել էր, որ ՆԱՏՕ-ն Ուկրաինայի իշխող վերնախավին դրդում է Դոնբասում լարվածությունը պահպանելու: Արդյունքում, նրա խոսքով, տարածաշրջանում կանայք, երեխաներ և ծերեր են զոհվում:
