Դմիտրի Պեսկովը լրագրողներին ասել է, որ դեռ վաղ է խոսել Վլադիմիր Պուտինի և Ջո Բայդենի հնարավոր հանդիպման ստույգ ժամկետի մասին:
«Սա նոր առաջարկ է: Այն կմշակվի և կուսումնասիրվի»,- ասել է Կրեմլի խոսնակը՝ նշելով, որ թեմաներն ու պայմանները քննարկվելու են դիվանագիտական խողովակներով:
«Կողմերը դեռ չեն ներկայացրել քննարկման ենթակա թեմաները»,- ընդգծել է Պեսկովը: «Հանդիպման նախապատրաստական աշխատանքներ դեռ չեն տարվում: Նման հարցադրումը վաղաժամ է»:
Պեսկովն առանց մեկնաբանության է թողել հարցը, արդյո՞ք ռուսական կողմը Վաշինգտոնից ներողություն կպահանջի Բայդենի՝ Պուտինի հասցեին հնչեցրած վիրավորական արտահայտությունների համար՝ որպես հանդիպման համաձայնեցման պայման: