Արցախյան երկրորդ պատերազմից հետո տարածաշրջանում, բնականաբար, նոր իրողություններ են, նոր իրականություն։ Հայաստանը բազում մարտահրավերներ ունի։ Առաջ է բերվում Թուրքիայի հետ հնարավոր երկխոսելու հնարավորությունը։ Հայաստանում այս դիսկուրսը պարբերաբար առաջ է բերվում, և հարցադրում է արվում՝ խոսե՞լ Թուրքիայի հետ, թե՞ ոչ։
Ինչպիսի՞ն են ձեր մոտեցումները․ Հայաստանի քայլերն ինչպիսի՞ն պետք է լինեն․ «Առաջին լրատվական»-ի հարցին քաղաքագետ Վիգեն Չետերյանը պատասխանեց․ «Ես չխոսելու հնարավորություն չեմ տեսնում։ Այն մարդիկ, որոնք առաջարկում են չխոսել, նրանք քաղաքականությունից հեռու են։ Հայաստանն այսօր անպայման պետք է խոսի ոչ միայն Թուրքիայի հետ, այլ նաև Ադրբեջանի հետ։ Ես տեղեկություն չունեմ, բայց չեմ զարմանա, եթե հետագայում իմանանք, որ արդեն ընթանում են գաղտնի երկխոսություններ մի կողմից Երևանի և Անկարայի միջև, մյուս կողմից՝ Երևանի ու Բաքվի միջև։ Եթե Երևանն այս երկու հարևան երկրների հետ բանակցությունների մեջ չմտնի, ապա Հայաստանի փոխարեն այդ աշխատանքը տանելու է երրորդ կողմը, և Հայաստանի համար ավելի վատ արդյունքներ կլինեն։ Այսօր Հայաստանի համար ամենակարևոր պրոբլեմն այն է, թե ինչպես անի, որ կարողանա Թուրքիայի հետ առանձին խոսակցության մեջ մտնի։ Այսինքն՝ Թուրքիա-Ադրբեջան այն ճակատը, որ մենք տեսանք անցյալ տարի, պետք է կարողանանք բաժանել և առանձին բանակցությունների մեջ մտնենք մի կողմից Թուրքիայի հետ, և մյուս կողմից՝ Ադրբեջանի»։
Մանրամասները՝ տեսանյութում։
