Վրաստանում ներքաղաքական լարված իրավիճակը շարունակվում է: Հիշեցնենք, որ իրավիճակը կտրուկ սրվել է 2020թ. աշնանը՝ խորհրդարանական ընտրություններից հետո, որոնց արդյունքներով կրկին մեծամասնություն է ստացել իշխող «Վրացական երազանք»-ը։ Ընդդիմությունը պահանջում է նոր ընտրություններ՝ պնդելով, որ քվեարկությունը կեղծվել է։ Ներքաղաքական իրավիճակն էլ ավելի է սրվել ընդդիմադիր առաջնորդ Նիկա Մելիայի կալանավորումից հետո։ Թեմայի շուրջ «Առաջին Լրատվական»-ը զրուցել է «Բազմազգ Վրաստան» ՀԿ-ի ղեկավար Առնոլդ Ստեփանյանի հետ:
Մեր զրուցակիցը շեշտեց, որ իրականացվում է աննախադեպ մակարդակով միջնորդական առաքելություն, գործընթացին միացել են Վրաստանում հավատարմագրված դեսպանները, մասնավորապես Եվրամիության անդամ երկրների և Միացյալ Նահանգների, բացի այդ Եվրամիության նախագահն անձամբ ժամանել է Վրաստան և սկսել բանակցությունների նոր փուլ, այստեղ է գտնվում նաև ԵՄ նախագահի ներկայացուցիչը, որը մի քանի օր է, ինչ բանակցություններ է վարում կողմերի հետ: «Կարելի է ասել թունելի վերջում լույս է երևում, կարծում եմ, որ առաջիկայում կողմերը ինչ-որ ընդհանուր համաձայնության կգան»:
Առավել մանրամասն՝ տեսանյութում: