Մոլորակի ամենահարուստ մարդու՝ Amazon-ի հիմնադիր Ջեֆ Բեզոսի նախկին կինը՝ Մաքենզի Սքոթը, ամուսնացել է Սիեթլում բնակվող բնական գիտությունների ուսուցչի հետ: Այս մասին հաղորդում է The Wall Street Journal-ը:
Ավելի վաղ, Սքոթը մոտ 1.7 միլիարդ դոլար է նվիրաբերել բարեգործությանը, որի մասին հաղորդել է Medium-ի իր բլոգում: Բացի այդ, նա նաև ակնարկել է ազգանվան փոփոխության մասին: Դեկտեմբերին Մաքենզին իր հարթակում գրել էր, որ Բեզոսից բաժանվելուց հետո իր կարողությունից ավելի քան 4 միլիարդ դոլար է նվիրաբերել տարբեր նպատակներով:
Սքոթի նոր ամուսինը՝ Դեն Ջուեթն ասել է, որ իր կյանքի մեծ մասը զբաղվել է ուսուցչությամբ և հիմա, «երջանիկ պատահականությամբ», ամուսնացել է «ամենաշռայլ ու բարի մարդկանցից մեկի» հետ: Այս մասին տղամարդը գրել է Giving Pledge միջազգային բարեգործական ընկերության կայքում տեղադրված նամակում: Նա նշել է, որ միանում է իր կնոջ՝ ուրիշներին օգնելու համար հսկայական ֆինանսական կապիտալ փոխանցելու նախաձեռնությանը:
Amazon-ի ներկայացուցիչը նշել է, որ Ջեֆ Բեզոսը երջանիկ է իր նախկին կնոջ և նրա նոր ամուսնու համար, նա նաև Ջուեթին «լավ տղա» է անվանել: