Անսար Ալլահ (հութիները) ապստամբական շարժումը կիրակի օրը հարձակվել է Սաուդյան Արաբիայի վրա՝ ութ բալիստիկ հրթիռներով և 14 ականապատված անօդաչու թռչող սարքերով: Այս մասին հայտարարել է ապստամբների զինված ուժերի պաշտոնական ներկայացուցիչ, բրիգադային գեներալ Յահյա Սարիան, հաղորդում է Almasirah հեռուստաալիքը:
Հարձակումների թիրախը Ռաս Թանուրա նավահանգստում Սաուդյան Արաբիայի նավթային Saudi Aramco ընկերության օբյեկտներն են եղել, ինչպես նաև Դամամի շրջանի և Ասիր և Ջիզան նահանգների այլ «ռազմական թիրախներ», – ասել է նա: Սարիան նաև մատնանշել է, որ գնդակոծությունը վեցերորդ «զսպման գործողությունն» է եղել:
«Դա իրականացվել է ագրեսորի էսկալացիային և նրա [Եմենի] խեղդող շրջափակմանը պատասխանելու մեր բնական և օրինական իրավունքի շրջանակներում», – ասել է նա:
