Վրաստանը հետ քայլ կատարեց պետության՝ եվրատլանտյան ընտանիք մտնելու ժողովրդավարական ճանապարհին՝ ձերբակալելով պատգամավոր, նախկին նախագահ Միխայիլ Սահակաշվիլիի հիմնած ընդդիմադիր Միացյալ ազգային շարժման առաջնորդ Նիկու Մելիային։ Այս մասին երեքշաբթի օրը հայտարարել է Վրաստանում ԱՄՆ դեսպանությունը:
«ԱՄՆ դեսպանատունը ծայրաստիճան մտահոգված է առավոտյան գլխավոր ընդդիմադիր կուսակցության առաջնորդին ձերբակալելու կառավարության որոշմամբ: Մենք ցավում ենք, որ ԱՄՆ-ի և միջազգային այլ գործընկերների զսպման և երկխոսության կոչերը անտեսվեցին: Մեզ անհանգստացնում է հռետորաբանությունը, որն օգտագործվում է իշխանությունների կողմից՝ առաջացնելով անմիաբանություն: <…>», – ասված է հայտարարության մեջ: