Նիգերիացի Նգոզի Օկոնջո-Իվեալան դարձել է Առևտրի համաշխարհային կազմակերպության (ԱՀԿ) գլխավոր տնօրենի պաշտոնը զբաղեցրած առաջին կինը:
Ինչպես հաղորդում է «ՌԻԱ Նովոստի»-ն, այս մասին հայտնել է ԱՀԿ-ի գլխավոր խորհրդի քարտուղարը:
«ԱՀԿ անդամները պարզապես համաձայնել են բժիշկ Նգոզի Օկոնջո-Իվեալին նշանակել հաջորդ գլխավոր տնօրեն։ Որոշումն ընդունվել է կոնսենսուսով այսօր գլխավոր խորհրդի արտահերթ նիստում։ Օկոնջո-Իվեալան կդառնա առաջին կինը և առաջին աֆրիկուհին, որը գլխավորել Է ԱՀԿ-ն»,- ասված է կազմակերպության մամուլի ծառայության հաղորդագրության մեջ:
Նշվում է, որ Օկոնջո-Իվեալան իր պարտականությունների կատարմանը կանցնի մարտի 1-ին, նրա լիազորությունները ուժի մեջ կլինեն մինչև 2025 թվականի օգոստոսի 31-ը:
Օկոնջո-Իվեալան ծնվել է 1954-ին Նիգերիայի Օգվաշի Ուկու քաղաքում: Տարբեր ժամանակներում նա զբաղեցրել է Նիգերիայի ֆինանսների նախարարի, այդ երկրի ԱԳ նախարարի պաշտոնները, ինչպես նաև եղել է Համաշխարհային բանկի տնօրեն: Այժմ նա հանդիսանում է խորհրդի նախագահ գլոբալ դաշինքի պատվաստանյութերի և իմունիզացիայի (GAVI).
Անցյալ տարի ԱՀԿ-ի ղեկավար Ռոբերտո Ազևեդոն հայտարարել էր, որ որոշել է այդ պաշտոնը մեկ տարի շուտ լքել:
