Abkhazeti.info կայքի փոխանցմամբ՝ Կովկասի հարցերով վրացի փորձագետ Մամուկա Արեշիձեն հայտարարել է, որ ԱՄՆ-ը ամեն գնով նպաստում է Լատինական Ամերիկայում Վրաստանի դիրքերի ամրագրմանը.
«Հենց նրա օգնության շնորհիվ էր, որ Վրաստանի նախագահ Միխեիլ Սաակաշվիլին վերջերս այցելեց Կոստա Ռիկա և Պերու։ Սաակաշվիլին ներկա է գտնվել այդ երկրների նախագահների երդման արարողությանը՝ դրանով իսկ իր աջակցությունը հայտնելով նրանց։ ԱՄՆ-ը այդ ուղղությամբ շատ ակտիվ է աշխատում։
Իմ տեղեկություններով՝ Բոլիվիան պլանավորել էր ճանաչել Աբխազիայի և Հարավային Օսիայի անկախությունը։ Այդ հարցը լրջորեն ներառված էր օրակարգում, սակայն ԱՄՆ-ի էներգետիկ միջամտության արդյունքում Բոլիվիան հետ կանգնեց դրանից։ Փոխարենը, Բոլիվիան ԱՄՆ-ից ստացավ ռազմական օգնություն։ Այսինքն՝ Վաշինգթոնը փաստացիորեն գնում է Վրաստանի անջատողական շրջանների չճանաչումը»։
Հիշեցնենք, որ հունիսի կեսին Մամուկա Արեշիձեն պաշտոնական Թբիլիսիին խորհուրդ էր տվել ճանաչել Աբխազիայի անկախությունը՝ ընդգծելով, որ Թբիլիսին պետք է Աբխազիայի նկատմամբ այնպիսի քայլեր իրականացնի, որոնք Աբխազիային կհեռացնեն Ռուսաստանից.
«Աբխազիայում տիրող իրավիճակը լավատեսության ոչ մի հիմք չի տալիս։ Աբխազները գտնվում են Աբխազիայից վտարվելու և անհետանալու վտանգի տակ։ Աբխազներին պետք է փրկել ձուլումից։ Մենք պետք է հատուկ միջոցներ ձեռնարկենք ոչ թե Աբխազիան, այլ աբխազներին վերադարձնելու ուղղությամբ՝ ծայրահեղ դեպքում նրա համար, որպեսզի կանգնեցնենք նրանց ասիմիլացումը հենց Աբխազիայի տարածքում։
Վրաստանը պետք է Աբխազիայի անկախությունը ճանաչի որոշակի նախապայմաններով, ինչպիսին է, ասենք, փախստականների վերադարձը։ Մենք պետք է այնպիսի անսպասելի քայլ կատարենք, որը կզինաթափի մրցակցին, այսինքն՝ որոշակի սեպ կխրի նրա և աբխազների միջև։ Եթե ինձնից կախված լիներ, ապա ես հենց այսօր անկախություն կտրամադրեի Աբխազիային»։