«Ժամանակ» թերթը գրում է. «ԲՀԿ խմբակցությունից դուրս եկած պատգամավորներ Սերգեյ Բագրատյանը և Տիգրան Ուրիխանյանը հանդես են եկել օրենսդրական նախաձեռնությամբ՝ առաջարկելով փոփոխություն կատարել ԱԺ կանոնակարգ օրենքում և խմբակցությունից դուրս եկած պատգամավորներին իրավունք տալ ստեղծելու պատգամավորական խումբ:
Նախկինում ԱԺ կանոնակարգը նման հնարավորություն տալիս էր 10 և ավելի որևէ խմբակցության մաս չկազմող պատգամավորների միավորման համար: Սակայն այն ժամանակ գործում էր ընտրությունների մեծամասնական և համամասնական խառը համակարգ, և մեծամասնական համակարգով պատգամավոր էին ընտրվում ոչ կուսակցական, անկախ պատգամավորներ, որոնք խորհրդարանում ստեղծում էին պատգամավորական խմբեր: Պատգամավորական խմբերը շատ դեպքերում ավելի մեծ թվով պատգամավորների էին միավորում, քան որոշ խմբակցություններ էին, և իրենց դիրքորոշմամբ էապես ազդում էին խորհրդարանում ընթացող քաղաքական գործընթացների վրա:
Ներկա իրավիճակում անհասկանալի է, թե ինչ քաղաքական ազդեցություն կարող է ունենալ 2-հոգանոց խումբը»:
Առավել մանրամասն՝ թերթի այսօրվա համարում:
