Եվրահանձնաժողովի ղեկավար Ուրսուլա ֆոն դեր Լյայենը Եվրամիության երկրներին խնդրել Է Ուկրաինային նվիրել կորոնավիրուսի դեմ իրենց պատվաստանյութերի մի մասը: Այդ մասին նա հայտնել Է տեսաուղերձում, որը Կիեւում տարածվել Է «Ուկրաինա 30: Կորոնավիրուս. մարտահրավերներ եւ պատասխաններ» համաժողովում:
«Ի լրումն COVAX-ի ես Եվրամիության մյուս անդամներին խնդրեցի պատվաստանյութերի մի մասը նվիրել Ուկրաինային»,- նշել Է նա: Եվրահանձնաժողովի ղեկավարը հայտնել Է, որ COVAX-ի գծով պատվաստանյութերի առաջին դեղաչափերն Ուկրաինան կստանա փետրվարին, իսկ մինչեւ ամառ՝ եւս մի քանի միլիոն դեղաչափ:
Նա նաեւ հիշեցրել Է, որ համավարակի սկզբից ի վեր ԵՄ-ն օգնել Է Կիեւին բժշկական դիմակներով եւ թոքերի արհեստական օդափոխության ապարատներով, ինչպես նաեւ 200 միլիոն եվրո Է փոխանցել կարանտինի ժամանակ ուկրաինական գործարարության օժանդակման համար:
Կիեւը բանակցություններ Է վարում կորոնավիրուսի դեմ պատվաստանյութի՝ աշխարհի արտադրողների հետ, բացի Ռուսաստանի արտադրողներից: Անցյալ տարվա վերջին կնքվել Է Չինաստանի Sinovac Biotech ընկերության ավելի 1,9 միլիոն դեղաչափի մատակարարման պայմանագիր: Ուկրաինան նաեւ սպասում Է պատվաստանյութի մատակարարումներ COVAX ծրագրով:
