Ներկայումս արժույթների մեծամասնությունը ենթակա է թուլացման, այդ թվում՝ ռիսկային ժամանակահատվածում ավանդական ապաստարան-արժույթները:
«Պահուստային արժույթների կատեգորիայում կարող ենք խոսել առաջիկա ամիսներին դոլարի թուլացման վերաբերյալ կարծիքների գերակշռության մասին»,- նշել է փորձագետը:
Նա բացատրել է, որ ներդրումային բանկերի կոնսենսուսային կանխատեսումը ենթադրում է, որ եվրոյի աճը դոլարի նկատմամբ այս տարի կկազմի մինչև 1.25: Այնուամենայնիվ, եվրոն նույնպես «թուլանալու հավանականություն ունեցող արժույթներից է», քանի որ Եվրոպական կենտրոնական բանկը ավելի շատ միջոցներ է ծախսել ակտիվների գնման վրա, քան ԱՄՆ-ը, իսկ եվրոպական տնտեսությունը COVID-19-ի համավարակից ավելի ուժեղ հարվածներ է ստացել, քան ԱՄՆ-ը:
Միևնույն ժամանակ, վտանգներ կան նաև «ապաստարան-արժույթների» համար, ինչպիսիք են ճապոնական իենը և շվեյցարական ֆրանկը, նշում է Կոգանը: Ըստ նրա, այդ արժույթներից միջոցները կարող են փոխանցվել ավելի ռիսկային ակտիվներին՝ տնտեսության ակտիվ վերականգնման դեպքում:
Բրիտանական ֆունտն իր հերթին կարող է թուլանալ՝ Եվրամիությունից Մեծ Բրիտանիայի դուրս գալու ֆոնին Անգլիայի բանկի կողմից բացասական տոկոսադրույքների ներդրման հեռանկարի պատճառով, ասում է վերլուծաբանը:
