TikTok հավելվածը գործարկելու է նոր գործառույթ՝ ապատեղեկատվության տարածման դեմ պայքարելու համար: Այս մասին հաղորդվում է ծառայության կայքում:
TikTok-ը տեղադրված հոլովակներն ուղարկելու է փորձագիտական ծառայություններ՝ տվյալների ստուգման համար:
Այս դեպքում օգտատերերը չստուգված բովանդակության մասին ծանուցում են ստանալու: Նրանք դա ստանալու են նաև այն դեպքում, եթե ստուգումից հետո ամեն դեպքում չհաջողվի պարզել բովանդակության իսկությունը: Տեսանյութերի հեղինակները նույնպես տեղեկացվելու են այդ մասին:
«Եթե օգտատերը որոշի կիսվել տվյալ տեսանյութով, ապա կտեսնի հիշեցում, որ տեսանյութը նշվել է որպես չհաստատված բովանդակություն: Այս լրացուցիչ քայլը պահանջում է դադար, որպեսզի մարդիկ ժամանակ ունենան մտածելու հաջորդ՝ «փակել» կամ «ամեն դեպքում կիսվել» գործողությունն անելուց առաջ»,- ասված է հայտարարության մեջ:
Եթե փորձաքննությունը հաստատի տեսանյութի անհավաստիությունը, ապա այն կհեռացվի հարթակից: