Այժմ iPhone-ի սեփականատերերը կկարողանան ապակողպել իրենց սմարթֆոնը Face ID-ի միջոցով ՝ առանց դեմքից հանելու բժշկական դիմակը: Այս մասին հայտնում է ՌԻԱ Նովոստին՝ հղում կատարելով Apple–ի ռուսական գրասենյակին:
Նշվում է, որ համապատասխան գործառույթը հայտնվել է iOS 14.5-ի բետա տարբերակում: Գաջեթը բացելու համար հարկավոր է Apple Watch:
Մամուլի ծառայության հաղորդմամբ՝ պարզապես անհրաժեշտ է նայել iPhone-ին, ապա Apple Watch-ը կստանա շոշափելի ազդանշան, որը հաստատում է հեռախոսի ապակողպումը:
Միևնույն ժամանակ, պարզաբանվում է, որ App Store-ում, iTunes- ում և Safari- ում գաղտնաբառերը ավտոմատ կերպով լրացնելու համար դիմակ կրողները պետք է մուտքագրեն իրենց iPhone-ծածկագիրը, իսկ Apple Pay-ով գնումների համար վճարելու համար անհրաժեշտ է օգտագործել Apple Watch- ը:
