Ավելի քան 30 հազար մարդ ԱՄՆ-ի Հանրապետական կուսակցությունից դուրս է եկել վերջին շաբաթվա ընթացքում՝ հունվարի 6-ին Կապիտոլիումի վրա կատարված գրոհից հետո: Այդ մասին հաղորդել է Hill թերթը՝ վկայակոչելով վիճակագրությունը: Նշվում Է, որ ավելի քան 30 հազար ընտրողներ, որոնք գրանցված են որպես Հանրապետական կուսակցության անդամներ, այն լքել են մի քանի նահանգներում, որոնք հաղորդում են ընտրողների գրանցման և կուսակցական պատկանելությունը փոխելու մասին տվյալները: Հունվարի 6-ին ԱՄՆ-ի նախագահ Դոնալդ Թրամփի կողմնակիցները Վաշինգտոնում Թրամփի հանրահավաքից հետո գրոհել են Կապիտոլիումի վրա. Կոնգրեսի աշխատանքն ընդհատվել է մի քանի ժամով:
Անկարգությունների արդյունքում զոհվել է հինգ մարդ՝ ցուցերի մասնակից մի կին և ոստիկան, ևս երեքը մահացել են բռնության հետ կապ չունեցող պատճառներով: Այն բանից հետո, երբ իրավապահ մարմինները հարվածում էին անկարգությունների մասնակիցներին, կոնգրեսականներն այդ պահին զբաղված էին քվեատուների կոլեգիայի քվեարկության արդյունքների հաստատմամբ, որոնց համաձայն, անցկացված նախագահական ընտրությունների հաղթող է դարձել դեմոկրատ Ջո Բայդենը: Երբ Կապիտոլիումում հաջողվել է վերականգնել կարգուկանոնը, ԱՄՆ-ի Ներկայացուցիչների պալատը և Սենատը հաստատել են Բայդենի հաղթանակը: ԱՄՆ-ի Կոնգրեսի Ներկայացուցիչների պալատը հունվարի 13-ին Թրամփին անկարգություններ հրահրելու մեղադրանքով իմփիչմենթ է հայտնել 232 կողմ և 197 դեմ ձայներով: Նա դարձել է երկրի պատմության մեջ առաջին նախագահը, որին Ստորին պալատը կրկնակի իմփիչմենթ Է հայտնել: ԱՄՆ-ի Սենատը նախկին նախագահ Դոնալդ Թրամփի իմփիչմենթի քննարկումը հետաձգել է մինչև փետրվարի 9-ը, որոշումն ընդունվել է միաձայն։