ԱՄՆ Ալերգիայի և վարակիչ հիվանդությունների ազգային ինստիտուտի տնօրեն Էնթոնի Ֆաուչին հայտարարել է, որ երկու դիմակ կրելն ավելի արդյունավետ է կորոնավիրուսի տարածումը կանխելու համար: Նրա խոսքերը մեջբերում է CNN- ը:
Նրա խոսքով՝ իրար վրա երկու դիմակ կրելն ավելի լավ է պաշտպանում վիրուսներից ու արտաթորություններից:
«Այս պատճառով երբեմն հանդիպում ենք մարդկանց, որոնք դեմքին դիմակի երկու շերտ են կամ փականով N95 շնչառական դիմակ են կրում», – բացատրել է բժիշկը:
ԱՄՆ հիվանդությունների վերահսկման և կանխարգելման կենտրոնը խորհուրդ է տալիս հասարակական վայրերում պահպանել դիմակի ռեժիմը։ Մարդաշատ վայրերում խորհուրդ է տրվում կրել բազմաշերտ դիմակներ, որոնք լավ ծածկում են քիթն ու բերանը։
